La alcaldesa de Gijon, Paz Fernandez Felgueroso.

La Plataforma Ciudadana contra’l Muru de Cabueñes solicitó al xuez Juan Laborda, encargáu de llevar la investigación del ‘casu Blanco’, la comparecencia de l’alcaldesa de Xixón, Paz Fernández Felgueroso; el conceyal actual d’Urbanismu (enantes de Facienda), Pedro Sanjurjo; y el conceyal d’Urbanismu n’aquel momentu, Juan Morales, pa que den “testimoniu de les modificaciones decidíes nel semestre últimu de del 2003 nel Plan Xeneral d’Ordenación Urbana (PXOU) o Plan Teixidor”.

Según señala nun comunicáu la Plataforma Ciudadana contra’l Muru de Cabueñes, “la práctica d’esta prueba ye fundamental pal procesu, porque ensin ella nun se podría acreditar la plena relación ente l’actuación d’Ovidio Blanco y de la Corporación Municipal, col señor Teixidor, asina como la inclusión de la parcela del imputáu na revisión del PXOU, contra toda previsibilidá”. Esta petición al xuez instructor del casu produzse depués de la declaración xudicial de Luis Felipe Alonso Teixidor, arquitectu redactor del últimu PXOU, agora bloqueáu polos tribunales, na que, según la opinión de los vecinos de Cabueñes, demuéstrase la culpabilidá de Blanco.

Leer la noticia completa en Infoasturies.