La Plataforma Ciudadana contra la Muria de Cabueñes criticó güei, al traviés d’un comunicáu, les declaraciones “estemporánees” del abogáu Luis Tuero, representante llegal del ex arquitectu xefe municipal Ovidio blanco, nes que’l lletráu atribúi’l procesu xudicial nel que ta metíu’l so clienteu a un “montaxe” orquestáu por esta organización vecinal.

Amás, la Plataforma calcó en que’l derechu de defensa nun pue amparar espresiones insultantes o calumnioses nesti casu sobre los vecinos de Cabueñes, que, en nengún casu, son sospechosos de cometeer delitos.

En cuanto a la declaración de Teixidor, la Plataforma destaca qu’ésta confirma “en tolos sos estremos” el papel de Blanco na Direición Técnica de la ellaboración del PGOU, ya que dende payares del 2002 hasta’l 31 d’avientu del 2003 dirixó a Teixidor nel so trabayu. La prueba d’ello, según el comunicáu, ye’l so papel nel Conceyu, especificando nel Manual de Funciones vixente, y como les declaraciones avalen, mientres se diseñó’l plan que dempués completó tramitación.

Tamién se confirmó la presencia y participación de la Direición Política na ellaboración del Plan Teixidor, personalizáu pola alcaldesa, Paz Fernández Felgueroso, y los que fueren daquella conceyales d’Urbanismu y de Facienda, Jesús Morales y Pedro Sanjurjo.

Leer la noticia completa en Europa Press.